Nytt aktivitetssystem

Hovudårsaken til denne endringa er todelt. Først av alt er det funksjonaliteten som har vore den største drivaren. ITFlyt sine programvarer vil gje klubben ein samla leverandør av system for klubbdrifta, der alle systema snakkar saman, slik at "dobbeltføring" og unødig oppfølging av at alle systema har korrekt informasjon no vert heilt fjerna.

Hjartet i systemet er det fullintegrerte aktivitets- og klubbdriftsystemet SportsFlyt. Dette systemet erstattar blant anna Hoopit, og er særskilt utvikla for å handtere samarbeidslag som me har mange av saman med Bømlo Idrettslag. SportsFlyt gjer oss moglegheit til å dele både baneressursar og lag på ein saumlaus måte. Ut over dette vil SportsFlyt gi oss ein heilt ny kvardag både med organisering av klubbdommere, kampvert, kjøreoppdrag til bortekamp, klubbdugnad, utleige av lokale, timeføring for ansatte, oppfølging av kompetanse og politiattestar, valnemda sitt arbeid, tilbakebetaling av utlegg og mange andre funksjonar som er naudsynt for effektiv klubbdrift.

ITFlyt leverer også det nye infoskjermsystemet vårt, SkjermFlyt. Mange har nok allereie sett denne på Joker Finnås, i servicebygget og i kiosken vår. SkjermFlyt er tett knytta til SportsFlyt og ordnar seg for det meste sjølv.

Den nye nettsida vår er også ein del av Flytfamilien, tett knytta opp til SportsFlyt. Besøkande kan sjå alle aktivitetar som skjer i klubben, dei kan finne informasjon om kampar og ikkje minst leige festsalen vår heilt utan ringing og sjekking i andre system for å sjå om det er ledig.

Oppfølging av sponsorar er no flytta ut av utdaterte excellister. Via SportsFlyt har sponsoransvarleg full oversikt og arbeider heildigitalt frå første kontakt og til ferdig signert kontrakt. Systemet passar sjølv på utløpsdatoar og varslar sponsoransvarleg når det er tid for fornying.. og rett sponsor viser på rett plass både på nettside og infoskjerm.

På julebingoen vår den 22. november vil me også få stifte bekjentskap med BingoFlyt, og spelarane kan følga med på storskjerm, medan BingoFlyt tek seg av både trekning og opplesing.

Dei saumlause integrasjonane vil no handtere klubbdrifta svært enkelt for oss. For å gi eit godt eksempel kan me bruke ein kamp som døme. Ein trenar legg inn ein kamp i SportsFlyt. Kampvertoppgåva blir automatisk tildelt basert på kriteriane klubben har satt, det same blir klubbdommaroppdraget. 5 dagar før kampen kjem det automatisk opp kampplakat både på infoskjermane og på nettsida, med rette kampsponsorane på. Dagen før kampen blir det automatisk posta innlegg både på Facebook og Instagram med informasjon om kampen. 2 timar før kampstart startar oppvarming av både garderobar, kiosk og minglesona, alt styrt automatisk av den eine aktiviteten som trenaren la inn i SportsFlyt.

Som eit introduksjonstilbod til klubben sine medlemmer vil alle få tilbod om 6 månadars gratis tilgong til familieplanleggaren FamilieFlyt. Denne er sjølvsagt også tett integrert med SportsFlyt, men samlar også informasjon frå alle moglege aktivitetssystem slik som Tutti, Spond, Rubic, Hoopit og alle typar kalendrar som tilbyr abonnement. På denne måten kan ein samle alle familien sine aktivitetar oversiktlig på ein plass, samstundes som både middagsplan og handleliste er under full kontroll.

For Finnås Sportsklubb sin del vil overgangen til ITFLyt sine system gi ein samla årleg besparelse på over 45.000 kr, pengar som me heller kan bruke på aktivitetar og utstyr. Me ser det difor som eit smart og framtidsretta valg å skifte til ein totalleverandør som kan gi oss betre og meir hensiktsmessige system for klubbdrift, samtidig som me betalar mindre enn i dag.

Sjølve omlegginga frå Hoopit til SportsFlyt vil skje gradvis når kampsesongen er over. Nokre få lag har allereie fått testa ut gjennom haustsesongen, medan resten skal være ferdig implementert før sesongstart på nyåret.